Հոկտեմբերի 2-ին Հայաստանի տարածքի վրա միմյանց կբախվեն հյուսիս-արևմուտքից ներթափանցող արկտիկական և Միջերկրական ծովից եկող արևադարձային տաք օդային հոսանքները: Այդ մասին հայտնում է ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը՝ նշելով, որ դա բերելու է ակտիվ ցիկլոնի առաջացման:
«Հոկտեմբերի 2-ին և 3-ին Հայաստանը կգտնվի այդ ցիկլոնի ազդեցության գոտում, որի արդյունքում բոլոր մարզերում կտեղան առատ անձրևներ և օդի ջերմաստիճանը կնվազի 5-6 աստիճանով»,-հավելում է Սուրենյանը: