Онлайн

Գրին քարտի խաղարկությունը վերսկսվում է հոկտեմբերի 18-ից. մինչ այդ գրանցվածները պետք է վերագրանցվեն

2017-10-16 18:04 , Общество, 284

Գրին քարտի խաղարկությունը վերսկսվում է հոկտեմբերի 18-ից. մինչ այդ գրանցվածները պետք է վերագրանցվեն

ՀՀ-ում ԱՄՆ դեսպանատունը 2019թ. խաղարկային վիզաների ծրագրի հայտերի ընդունման նոր ժամկետների վերաբերյալ հայտարարություն է տարածել, որում, մասնավորապես, ասված է.

Տեխնիկական խնդիրներով պայմանավորված 2019թ. խաղարկային վիզաների կամ գրին քարտի խաղարկության ծրագրով մասնակիցների գրանցումը սկսվում է նորից, և բոլոր նրանք, ովքեր խաղարկության մասնակցության համար գրանցվել են մինչև 2017թ. հոկտեմբերի 18-ը, պետք է ևս մեկ անգամ գրանցվեն, որպեսզի հայտը մասնակցի խաղարկությանը: Հասկանում ենք, որ սա անհարմարություն է ստեղծում արդեն իսկգրանցված անձանց համար, սակայն գործընթացի ամբողջականությունն ու անաչառությունն ապահովելու համար, մենք ստիպված ենք գրանցումը վերսկսել:

Գրին քարտի խաղարկության ծրագրի մասնակիցների գրանցումը կմեկնարկի 2017թ. հոկտեմբերի 18-ի կեսօրին՝ արևելյան ամառային ժամանակով և կավարտվի 2017թ. նոյեմբերի 22-ի կեսօրին՝ արևելյան ստանդարտ ժամանակով:

Ուշադրություն, մինչև հոկտեմբերի 18-ը ներկայացված հայտերը չեն մասնակցի խաղարկությանը: Այդ ժամկետում գրանցված բոլոր մասնակիցները պետք է ևս մեկ հայտ ներկայացնեն գրանցման համար սահմանված նոր ժամկետներում: Նոր հայտի գրանցումը պատճառ չի հանդիսանա, որ դուք մեկից ավել հայտ ներկայացնելու հիմքով զրկվեք խաղարկությանը մասնակցելու հնարավորությունից: Սակայն գրանցման համար սահմանված նոր ժամկետներում մեկից ավել հայտ ներկայացնելու դեպքում, խաղարկությանը մասնակցելուց որակազրկվելու պահանջը շարունակում է ուժի մեջ մնալ:

Հայտը լրացվում է գրանցման համար սահմանված ժամկետներում խաղարկային վիզաների ծրագրի պաշտոնական կայքում, հասցեն՝ dvlottery.state.gov: Մասնակցության մանրամասներն ու հրահանգները նաև ներկայացված են ԱՄՆ պետքարտուղարության էջում, տես՝ usvisas.state.gov/dv/instructions.

Ծրագրին մասնակցելու մնացած բոլոր պայմանները մնում են անփոփոխ:

Лента

Рекомендуем посмотреть