Онлайн
Կառավարությունն այսօր հաստատել է «ՀՀ քրեական օրենսգրքում լրացումներ կատարելու մասին» օրենքի նախագիծը, ըստ որի քրեական օրենսգիրքը լրացվել է նոր՝ բուժաշխատողների նկատմամբ բռնությունները քրեականացնող հոդվածով:
ԱԺ պատգամավորներ Հրայր Թովմասյանի և Կարեն Ավագյանի ներկայացրած նախագծի նախնական տարբերակում առաջարկվում է բուժաշխատողների օրինական մասնագիտական գործունեությանը խոչընդոտելու համար նախատեսել պատիժ` տուգանքի ձևով՝ նվազագույն աշխատավարձի հարյուրապատիկից երկուհարյուրապատիկի չափով, իսկ նրա նկատմամբ բռնություն գործադրելու կամ բռնության գործադրման սպառնալիքի համար նախատեսել պատիժ` ազատազրկում՝ 3-7 տարի ժամկետով:
«Նախագծի նպատակը ոչ թե պատժիչ համակարգի խստացումն է, այլ բուժաշխատողների նկատմամբ ոտնձգությունների կանխումն ու կանխարգելումը»,-օրենքի նախագիծը գործադիրի հաստատմանը ներկայացնելիս ընդգծել է ՀՀ առողջապահության փոխնախարար Սերգեյ Խաչատրյանը՝ հավելելով, որ նախագծի ընդունման արդյունքում կերաշխավորվի բուժաշխատողի օրինական շահերի պաշտպանությունը:
