Մշակույթի գործիչների շրջանակում այս օրերին չեն դադարում Հայաստանի Հանրապետության ներկայիս օրհներգը «Քեզ համար, Հայաստան» երգով փոխարինելու վերաբերյալ քննարկումները:
Հիշեցնենք՝ օրհներեգը հենց այդ երգով փոխարինելու ցանկությունն օրերս հայտնել էր աշխարհահռչակ շանսոնյե Շառլ Ազնավուրը:
«Օրհներգը փոխել հարկավոր է, սակայն ո՛չ այդ երգով»,-այսօր թեմայի շուրջ հերթական քննարկմանն ասել է երգիչ, երգահան Արտավազդ Բայաթյանը: Ինչպես հիմնավորել է նա՝ Ազնավուրի «Քեզ համար, Հայաստան» երգն ի սկզբանե գրվել է Հայաստանում 88-ի ավերիչ երկրաշարժից տուժածներին օգնելու նպատակով, հետևաբար, աննպատակահարմար է այն օրհներգ դարձնել:
Քննարկման մանրամասները՝ Լիանա Մարգարյանի ռեպորտաժում.