Այսօրվանից ուժի մեջ է մտնում Հայաստանի եւ Ռուսաստանի միջեւ համաձայնագիրը, որով Ռուսաստանի քաղաքացիները կարող են Հայաստան գալ ներքին անձնագրերով:
Հայաստանի ԱԳՆ մամուլի քարտուղար Տիգրան Բալայանի պարզաբանմամբ՝ ՌԴ քաղաքացիները ներքին անձնագրերով Հայաստան կարող են մուտք գործել միայն «Զվարթնոց» և «Գյումրի» օդանավակայաններով՝ «Ներքին անձնագրերով Հայաստան կարող են մուտք գործել միայն Ռուսաստանից ժամանող Ռուսաստանի քաղաքացիները միմիայն «Զվարթնոց» և «Գյումրի» օդանավակայաններով»,- ընդգծել է նա:
Հավելենք, որ Հայաստանի վարչապետի համոզմամբ՝ համաձայնագիրը կնպաստի Հայաստանում զբոսաշրջության աճին: