Արցախի խորհրդարանում քիչ առաջ ամփոփվել են հանրապետության նախագահի ընտրության փակ գաղտնի քվեարկության արդյունքները:
«Արցախպրես»-ի հաղորդմամբ՝ քվերակությանը ներկա 32 պատգամավորից 28-ը կողմ է քվեարկել Բակո Սահակյանին՝ նրան վերընտրելով Արցախի Հանրապետության նախագահի պաշտոնում:
Նախագահի երկրորդ թեկնածուի՝ «Շարժում – 88» ԱԺ խմբակցության ղեկավար Էդուարդ Աղաբեկյանի օգտին քվերակել է 4 պատգամավոր:
Արցախի նորընտիր նախագահ Բակո Սահակյանը շնորհակալություն հայտնելով վստահության համար՝ նշել է, որ շարունակելու է իր աշխատանքը նոր եռանդով ու նոր ծրագրերով՝ հանուն Արցախի զարգացման և բարգավաճման:
Հիշեցնենք, որ Արցախի նոր Սահմանադրությամբ 2017-2020թթ. երկրի համար սահմանվել է որպես անցումային ժամանակաշրջան, որի ընթացքում օրենսդրությունն ու կառավարման կարգը պետք է համապատասխանեցվեն նախագահական կառավարման մոդելին:
Արցախի Սահմանադրության 168-րդ հոդվածի համաձայն, Խորհրդարանի կողմից ընտրված նախագահը պաշտոնավարելու է մինչև գործող ԱԺ-ի լիազորությունների ավարտը՝ 2020 թվականը, որից հետո արդեն տեղի կունենան Արցախի նախագահի համապետական ընտրություններ: