Այս գիշեր մոսկովյան «Դոմոդեդովո» օդանավակայանում Հայաստանի քաղաքացի է մահացել: Այդ մասին «Московский Комсомолец»-ին հայտնել է օդանավակայանի ղեկավարությունում աղբյուրը:
57-ամյա տղամարդը պետք է դստեր հետ Երևան մեկներ, սակայն մեկնման սրահում նրա ինքնազգացողությունը վատացել է:
Տղամարդուն տեղափոխել են բուժկետ, սակայն փրկել չի հաջողվել: Նա մահացել է սուր սրտային անբավարարությունից:
Աղբյուրը նշում է, որ մինչև օգոստոսի 14-ը ուղևորը բուժվել է հիվանդանոցում թոքերի օնկոլոգիական հիվանդությունից: