Այսօր Բյուրականի անտառում հայտնաբերվել է հրդեհի նոր օջախ: Արտակարգ իրավիճակների նախարարությունից տեղեկացնում են, որ դեպքի վայր է մեկնել ԱԻՆ մեկ մարտական հաշվարկ:
Նշենք, որ երեկ՝ սեպտեմբերի 3-ին, ժամը 15:26-ին, ԱԻՆ ահազանգ էր ստացվել, որ Արագածոտնի մարզի Բյուրական գյուղին հարակից սարին՝ անտառում, հրդեհ է բռնկվել: ԱԻ փոխնախարար Դավիթ Կարապետյանի փոխանցմամբ՝ նախօրեին բռնկված հրդեհը հաջողվել է մարել, բոլոր օջախները հանգցվել են: