Онлайн
Արտաշատի սահմանապահ ջոկատի տեղամասում՝ Եղեգնավան բնակավայրի շրջանում, ռուս սահմանապահների կողմից հայ-թուրքական սահմանը ապօրինի հատած անհայտ անձ է ձերբակալվել:
Հայաստանում ՌԴ ԱԴԾ Սահմանապահ վարչության մամուլի ծառայության փոխանցմամբ՝ խախտումների հայտնաբերման նոր համակարգի շնորհիվ, հաջողվել է իրավախախտին, ով 1972 թ. ծնված Թուրքիայի Հանրապետության քաղաքացի է, ձերբակալել րոպեների ընթացքում:
Ձերբակալվածը պատմել է, որ հովիվ է, աշխատում է Իգդիրի նահանգի Արալըքի գավառի Գյոդաքլը բնակավայրում, և պետական սահմանը հատել է հոտից հետ մնացած խոշոր եղջերավոր անասուններին որոնելու համար։
Վարկածը ստուգվում է իրավապահների կողմից:
