Онлайн
Աշխատանքային այցով Արցախի հանրապետությունում գտնվող Հայաստանի արտաքին գործերի (ԱԳ) նախարար Զոհրաբ Մնացականյանն այսօր հանդիպել է Արցախի ԱԳ նախարար Մասիս Մայիլյանի հետ։
ԱԳՆ լրատվության և հանրային դիվանագիտության վարչության փոխանցմամբ՝ Հայաստանի ԱԳ նախարար Զոհրաբ Մնացականյանը կարևորել է նման ձևաչափով կանոնավոր հանդիպումների անցկացումը։
«Սա արտահայտում է մեր գերակա նպատակը. Լեռնային Ղարաբաղի ներգրավվածության ամրապնդումը, որի ապահովումն առաջին օրվանից եղել է մեր նպատակը։ Սա շատ պրակտիկ, պրագմատիկ նպատակ է, որովհետև եթե մենք իրապես ցանկանում ենք խաղաղ կարգավորման մեջ գործնական շարժում, այս հիմնախնդրի հիմնական սուբյեկտի ներգրավվածությունը մնում է կարևոր»,-նշել է Զոհրաբ Մնացականյանը:
Հանդիպման ավարտին Հայաստանի և Արցախի արտաքին քաղաքական գերատեսչությունների ղեկավարները ստորագրել են Հայաստանի և Արցախի արտգործնախարարությունների միջև խորհրդակցությունների պլան, որը նախատեսում է 2019-2020 թթ. անցկացնել կանոնավոր խորհրդակցություններ արցախյան հիմնախնդրի և արտաքին քաղաքական հետաքրքրություն ներկայացնող հարցերի շուրջ:
Արտգործնախարարները նաև ճեպազրույց են ունեցել լրագրողների հետ։ Մանրամասները՝ տեսանյութում։
