ՀՀ վարչապետ Նիկոլ Փաշինյանի՝ այսօր ստորագրած որոշումների համաձայն աշխատանքից ազատվել են նրա գլխավոր խորհրդականներ Արսեն Գասպարյանը և Արամ Ղարիբյանը՝ սեպտեմբերի 2-ից:
Գասպարյանը վարչապետի գլխավոր խորհրդականի պաշտոնը զբաղեցնում էր 2018 թվականի հուլիսի 30-ից, Ղարիբյանը՝ նույն տարվա հունիսի 8-ից:
ՀՀ կառավարության e-gov.am պաշտոնական կայքում հրապարակված փաստաթղթերից տեղեկանում ենք, որ այսօրվա մեկ այլ որոշմամբ, սեփական դիմումի համաձայն վարչապետի օգնականի պաշտոնից ազատվել է Մհեր Սահակյանը։