Իռանդիայի Սփայք կղզում գտնվող երբեմնի բանտը World Travel Awards 2017 մրցույթում, որի արդյունքներն ամփոփվել են հոկտեմբերի 1-ին, արժանացել է Եվրոպայի լավագույն տուրիստական տեսարժան վայրի տիտղոսին: «Իռլանդական Ալկատրաս» անվանումը ստացած բանտը մրցույթում իր ժողովրդականությամբ գերազանցել է Հռոմի Կոլիզեյին, Էյֆելյան աշտարակին եւ Բուքինգհեմյան պալատին:
Daily Mail-ի հաղորդմամբ՝ շենքերի համալիրը կառուցվել է դեռ 6-րդ դարում. սկզբնապես այնտեղ հաստատված է եղել վանական միաբանությունը: Ավելի ուշ՝ 19 դարի կեսերին, այն վերակազմավորվել է բերդի, ուր պահվել են բանտարկյալները՝ Ավստրալիա աքսորից առաջ: Բանտը, որում միաժամանակ հնարավոր է եղել պահել 2300 բանտարկյալ, գործել է մինչեւ 2004 թվականը: 2016-ին բանտային համալիրը վերանորոգվել է և վերաբացվել որպես զբոսաշրջային տեսարժան վայր:
Այցելուներին ստանդարտ Էքսկուրսիաներից բացի՝ առաջարկվում է նաեւ գիշերել այն մենախցերում, որոնցում ավելի վաղ պահվել են առանձնապես վտանգավոր կալանավորները: