Էջմիածինն այսօր տոնում է հիմնադրման 2704-ամյակը - RadioVan.fm

Онлайн

Էջմիածինն այսօր տոնում է հիմնադրման 2704-ամյակը  

2019-10-08 12:33 , Общество, 1781

Էջմիածինն այսօր տոնում է հիմնադրման 2704-ամյակը

Էջմիածին քաղաքն այսօր տոնում է հիմնադրման 2704-ամյակը։

Տոնական օրվա մեկնարկը տրվել է ուղիղ կեսօրին՝ Կոմիտասի անվան մշակույթի պալատում հրավիրված հանդիսավոր նիստով, որի ընթացքում կհանձնվեն «Քաղաքի բարեկամ» և «Պատվավոր քաղաքացի» կոչումները։

Նիստին, որին մասնակցում է նաև ՀՀ վարչապետ Նիկոլ Փաշինյանը, հետևեք ուղիղ հեռարձակմամբ․

Տոնական օրվան ընդառաջ լվացվել են քաղաքի դիմագծի մաս հանդիսացող հուշարձանները։

Իսկ այսօր՝ ողջ օրվա ընթացքում, նախատեսված են համերգային ծրագրեր, սպորտային և պարային ցուցադրական ելույթներ, ցուցահանդեսներ։ Էջմիածնի քաղաքապետարանից շեշտում են, որ «նախատեսված միջոցառումների շարքում բարձրակետ կհանդիսանան ՏՈՆԱԿԱՆ ՇՔԵՐԹԸ` 14:00-ին, Հայաստանում առաջին անգամ անցկացվող ՔՈՒՖԹԱՅԻ ՓԱՌԱՏՈՆԸ` 14:30-18:00-ն և տոնական ՀԱՄԵՐԳԱՅԻՆ ԾՐԱԳԻՐԸ` 19:00-22:00-ն»:

«Առաջին անգամ անցկացվող Քուֆթայի (կոլոլակ) փառատոնը շատ լավ հնարավորություն է ծանոթանալու հայկական ավանդական ուտեստներից մեկի՝ քուֆթայի և հատկապես Էջմիածնի քուֆթայի համին և պատրաստման գաղտնիքներին:

Էջմիածնի խոհանոցում թե´ բույրով, թե´ համով առանձնանում է քուֆթան/կոլոլակը. այս մասին խոսում են բոլորը: Այստեղ քուֆթա/կոլոլակ պատրաստում են անհիշելի ժամանակներից: Քաղաքում անգամ հայտնի է «քուֆթաչիների»՝ քուֆթա պատրաստողների փողոցը, որտեղից կարող ես գնել լավագույն քուֆթան»,-նշվում է փառատոնի ֆեյսբուքյան էջում։

Лента

Рекомендуем посмотреть