«Ճանապարհ դեպի ֆուտբոլային երազանք». «Ֆուտբոլը հանուն բարեկամության կենտրոնական Ասիայի և Հարավային Կովկասի» ծրագրի կազմկոմիտեի անդամ, պորտուգալական Bsports ակադեմիայի հայկական պատվիրակության ղեկավար Լևոն Ղասաբօղլյանը Հայաստանում է կարևոր առաքելությամբ՝ Հայաստանում գտնելու ու աջակցելու սկսնակ տաղանդավոր ֆուտբոլիստներին` խթանելով նրանց հետագա առաջընթացը:
Ըստ այդմ՝ Bsports-ը նոյեմբերի 20-ից Հայաստանում մեկշաբաթյա մարզումներ է անցկացնելու, որին մասնակցելու համար հրավիրվում են 9-16 տարեկան ֆուտբոլիստներ։ Մասնակցությունը վճարովի է լինելու, թե որքան՝ նախաձեռնության հեղինակները չեն մանրամասնում։ Այնուհետ լավագույն երկուսին հնարավորություն կընձեռվի (անվճար) մեկ ամսով մեկնել Պորտուգալիա՝ այնտեղ մարզումները շարունակելու։
«Եթե աչքի ընկնեն նաև այնտեղ, ապա կարող են արդեն մարզվել եվրոպական այլ ակումբներում»,-նշում է Ղասաբօղլյանը:
Մանկապատանեկան ֆուտբոլային ճամբարի մասին իրազեկող մամլո ասուլիսի մանրամասները՝ տեսանյութում։
Հեղինակ՝ Լիաննա Մարգարյան