Онлайн
«Հայտնաբերվել է անհերքելի ապացույց, որ իշխանության վերնախավում գործում են սատանիստական խմբակներ: Մանրամասները՝ ավելի ուշ»,-այդ մասին երեկ երեկոյան ֆեյսբուքյան իր էջում գրել է ՀՀ վարչապետ Նիկոլ Փաշինյանը, այնուհետ հրապարակել տեսանյութ, որտեղ նա մաքրում է տավարի խորոված գլուխը և կատակել․
«Տարածեք քանի չեն ջնջել. տեսեք և համոզվեք»:
Երեկ ողջ երեկո Փաշինյանը ֆեյբուքյան ծաղրական, հումորային գրառումներով, ըստ էության, անդրադարձավ վերջին շրջանում առկա այն քննադատություններին, թե ներկայիս կառավարությունը այս կամ այն որոշմամբ՝ սատանիզմի քարոզչություն է իրականացնում։
«Սկսվեց Jamiroquai խմբի համերգը Երևանի Մարզահամերգային համալիրում: Պարզվում է այսօր մինչև գիշերվա ժամը երկուսը դիսկոտեկ է լինելու այստեղ: Հատուկ ստուգել ենք. տարածքում սատանաներ և սատանիստներ չկան», «Պարզվեց սխալվել էի՝ էստեղ մի կեսը սատանա են, մյուս կեսը սատանիստ:))))»,-Մարզահամերգային համալիրից ուղիղ եթերում արած հրապարակմամբ, գրել էր վարչապետը։
