Онлайн
«Սասնա ծռերի» աջակիցները երթով շարժվում են դեպի Արդարադատության նախարարություն, ապա «Դատապարտյալների հիվանդանոց». նրանք պահանջում են, որ «Դատապարտյալների հիվանդանոցում» գտնվող «Սասնա ծռերի» վիրավոր անդամներին պատշաճ բուժօգնություն տրամադրվի:
NEWS.am-ի թղթակիցը հաղորդում է, որ մասնավորապես, «Սասնա ծռերից» Հովհաննես Հարությունյանի պաշտպան Հայարփի Սարգսյանը նշել է, որ իր պաշտպանյանը արդեն մի քանի օր է չի կարողանում շարժել ոտքը, սակայն նրան պատշաճ բուժօգնություն չի ցուցաբերվում:: Փաստաբանի խոսքով, ինքն ամեն օր այցելում է Հովհաննես Հարությունյանին, քանի որ նրա տեսակցության վրա արգելք է դրված եւ միայն պաշտպանը կարող է տեսակցել նրա հետ: «Հովհաննեսը ձերբակալման օրվանից չի վիրահատվել, միայն վիրահատությամբ բեկորներն են հեռացվել: Նրա կրունկին երկաթ էր ամրացված, բայց երեկ հանել են, գիպս են տեղադրել: Ես տեսել եմ, թե նա ինչ ցավերի մեջ է գտնվել, պատշաճ բուժօգնություն չի տրամադրվել, ինչը խոսում է միտումնավոր քայլերի մասին: Երբ նրան նոր էին տեղափոխել «Դատապարտյալների հիվանդանոց», խայտառակ սանիտարահիգիենիկ պայմաններում էր: Քանի որ ժամեր շարունակ նրան չէին ցավազրկում»,-ընդգծել է պաշտպանը:
Հիշեցնենք, որ «Սասնա ծռերից» Պավլիկ եւ Արամ Մանուկյանների փաստաբան Ինեսա Պետրոսյանը նախօրեին հայտարարել էր, որ «Դատապարտյալների հիվանդանոցում» հանվել է «Էրեբունի» ԲԿ-ի բուժակի կողմից շուրջօրյա հերթապահությունը, ինչը նրանց իրավունքների խախտում է:
