Онлайн

Այսօր Ցեղասպանության հանցագործության զոհերի հիշատակի միջազգային օրն է. Հայաստանի բարձրագույն ղեկավարությունն այցելեց Ծիծեռնակաբերդի հուշահամալիր

2019-12-09 18:59 , Общество, 310

Այսօր Ցեղասպանության հանցագործության զոհերի հիշատակի միջազգային օրն է. Հայաստանի բարձրագույն ղեկավարությունն այցելեց Ծիծեռնակաբերդի հուշահամալիր

2015թ. սեպտեմբերի 11-ին ՄԱԿ-ի Գլխավոր ասամբլեայի 69-րդ նստաշրջանի ընթացքում միաձայն ընդունվել է Հայաստանի կողմից ներկայացված 69/323 բանաձևը, որով հռչակվել է Ցեղասպանության զոհերի հիշատակի և արժանապատվության և այդ հանցագործության կանխարգելման միջազգային օր:

Նախաձեռնությունը բխում է ս.թ. մարտի 27-ին Ժնևում ՄԱԿ-ի Մարդու իրավունքների խորհրդի 28-րդ նստաշրջանում ցեղասպանության կանխարգելման վերաբերյալ Հայաստանի կողմից ներկայացված և միաձայն ընդունված բանաձևի դրույթներից: Սույն բանաձևերն ընդգծում են ցեղասպանության զոհերի հիշատակման անհրաժեշտությունը, ինչը կարևոր դերակատարություն ունի կանխարգելման գործում։

Ցեղասպանության հանցագործության կանխարգելման և պատժի մասին ՄԱԿ-ի կոնվենցիան ընդունվել է 1948թ. դեկտեմբերի 9-ին։ Հիշյալ բանաձևերը և միջազգային օրվա բարձրաստիճան միջոցառումները գալիս են լրացնելու Հայաստանի շարունակական ջանքերը` խթանելու ու համախմբելու ցեղասպանության ոճիրի դեմ ուղղված միջազգային գործողությունները:

Ցեղասպանության զոհերի հիշատակի ու արժանապատվության և այդ հանցագործության կանխարգելման միջազգային օրվա կապակցությամբ Հայաստանի բաձրագույն ղեկավարությունը դեկտեմբերի 9-ին այցելեց Ծիծեռնակաբերդի հուշահամալիր:

ՀՀ վարչապետ Նիկոլ Փաշինյանը, ՀՀ նախագահ Արմեն Սարգսյանը, ՀՀ ազգային ժողովի նախագահ Արարատ Միրզոյանը, ՀՀ արտաքին գործերի նախարար Զոհրաբ Մնացականյանը ծաղիկներ խոնարհեցին 1915 թվականի Հայոց ցեղասպանության անմեղ զոհերի հիշատակը հավերժացնող անմար կրակի մոտ:

Лента

Рекомендуем посмотреть