«Զվարթնոց»-ում հունվարի 15-ից կգործեն կայանման նոր սակագներ - RadioVan.fm

Онлайн

«Զվարթնոց»-ում հունվարի 15-ից կգործեն կայանման նոր սակագներ

2020-01-10 13:53 , Общество, 1397

«Զվարթնոց»-ում հունվարի 15-ից կգործեն կայանման նոր սակագներ

«Զվարթնոց»-ի տարածքում ավտոկանգառի վճարման գործընթացը հեշտացնելու նպատակով տեղադրվել է 7 վճարային տերմինալ. 4-ը՝ տեղադրված է առաջին հարկում՝ դեպի ավտոկայանատեղի տանող վերելակի հարևանությամբ գտնվող 2 մուտքի մոտ (յուրաքանչյուրի մոտ երկուական), 2-ը՝ երկրորդ հարկում՝ դեպի ավտոկայանատեղի տանող վերելակի հարևանությամբ գտնվող 2 մուտքի մոտ (յուրաքանչյուրի մոտ մեկական) և 1-ը՝ VIP սրահում: Նախքան ավտոկայանատեղիից դուրս գալը, Դուք կարող եք վճարումն իրականացնել տերմինալով:

Այդ մասին տեղեկանում ենք «Զվարթնոց» միջազգային օդանավակայանի ֆեյսբուքյան էջից։

«Այսպիսով, Դուք կունենաք՝

10 րոպե ավտոկանգառից դուրս գալու համար: Ուղեփակոցից դուրս գալիս դրամարկղում պարզապես անհրաժեշտ է ներկայացնել մուտքի կտրոնը:

! 2020 թվականի հունվարի 15-ից կգործեն կայանման նոր սակագները.

◆ Խնդրվում է նկատի ունենալ, որ տերմինալների միջոցով վճարելիս գները մնում են նույնը:

Վճարային տերմինալ.

– առաջին 10 րոպեն անվճար է,

– ավտոմեքենաների 1 ժամվա կայանումը՝ 500 ՀՀ դրամ,

– ավտոմեքենաների 4-24 ժամ կայանումը (օրավարձը)՝ 2.000 ՀՀ դրամ,

– ավտոմեքենաների 5-30 օր կայանումը՝10.000 ՀՀ դրամ:

Դրամարկղում վճարում իրականացնելու դեպքում կգործեն հետևյալ սակագները.

– ավտոմեքենաների 1 ժամվա կայանումը 800 ՀՀ դրամ է,

– ավտոմեքենաների 4-24 ժամ կայանումը (օրավարձը)՝ 3.000 ՀՀ դրամ,

– ավտոմեքենաների 5-30 օր կայանումը՝ 15.000 ՀՀ դրամ:

Միկրոավտոբուսների և ավտոբուսների կայանման համար վճարվում պետք է իրականացնել միայն դրամարկղում՝ կայանատեղիի վերջնական ելքի մոտ.

- Միկրոավտոբուսների 1 անգամյա մուտքի վճարը 2.000 ՀՀ դրամ է,

-ավտոբուսների 1 անգամյա մուտքի վճարը՝ 3.000 ՀՀ դրամ:

Կայանման կտրոնի կորստի դեպքում հարկավոր է վճարել 20.000 ՀՀ դրամ: Այս դեպքում վճարումը պետք է իրականացնել միայն դրամարկղում:

Լրացուցիչ տեղեկությունների համար կամ տերմինալի հետ կապված խնդիրների դեպքում կարող եք դիմել Կոնվերս Բանկին հետևյալ հեռախոսահամարով՝ + 374 10 511 211 կամ մոտենալ բանկի «Զվարթնոց օդանավակայան» մասնաճյուղ, որը գտնվում է օդանավակայանի երկրորդ հարկում՝ մեկնման սրահում»,-ասված է տարածած տեղեկատվությունում։

Лента

Рекомендуем посмотреть