Մատենադարանի այցելուների ցանկում վերջին տարիներին մեծ թիվ են կազմում զբոսաշրջիկներն Իրանից: Այդ մասին հայտնում են Մատենադարանից՝ տեղեկացնելով, որ հայերեն, անգլերեն, ֆրանսերեն, գերմաներեն, ռուսերեն, իտալերեն և իսպաներեն լեզուներից զատ 2020 թ. սկզբից շրջայցերը կազմակերպվում են նաև պարսկերենով:
«Ուրախ ենք հյուրընկալելու իրանցի զբոսաշրջիկներին և իրենց իսկ մայրենի լեզվով ներկայացնելու հայկական և համաշխարհային մշակութային ժառանգությունը»,-նշում են Մատենադարանից: