Սարատովի մարզում ավտովթարից հայ է զոհվել, երկուսը՝ վիրավոր են․ դեսպանությունը մանրամասներ է հայտնում

ՌԴ-ում ՀՀ դեսպանատունը կապի մեջ է այն բուժհաստատության հետ, որտեղ տեղափոխվել են ՃՏՊ-ից տուժածները

Ռուսաստանի Դաշնության (ՌԴ) Սարատովի մարզի Կրասնոարմեյսկի շրջանում հայկական պետհամարանիշով «Nissan» մակնիշի մեքենայի և «Mercedes Benz» մակնիշի բեռնատարի մասնակցությամբ տեղի ունեցած վթարի հետևանքով զոհվել է 1998թ․ ծնված ՀՀ քաղաքացի Վ․Ք․-ն։

ՌԴ-ում ՀՀ դեսպանատան հաղորդմամբ՝ «Nissan» մակնիշի մեքենայի վարորդը (ՀՀ քաղաքացի, ծնված՝ 1967թ․) և մյուսը ուղևորը (ՀՀ քաղաքացի, ծնված՝ 1996թ․) տարբեր աստիճանի վնասվածքներով տեղափոխվել են Կրասնոարմեյսկի քաղաքային հիվանդանոց։

Պատահարը տեղի ունեցել ս/թ․ հունվարի 27-ին։ Վթարի մանրամասները ճշտվում են։

Նշվում է, որ դեսպանությունը մշտական կապ է պահպանում ՌԴ համապատասխան մարմինների, տեղի հայ համայնքի ներկայացուցիչների և բուժհաստատության հետ։