Կդադարեցվի երթեւեկությունը Հանրապետության հրապարակում

ՀՀ ճանապարհային ոստիկանությունը տեղեկացնում է, որ Անկախության տոնի նախապատրաստական աշխատանքների իրականացման նպատակով՝ սեպտեմբերի 14-ին, ժամը 23-ից մինչև սեպտեմբերի 15-ի ժամը 6-ը և սեպտեմբերի 15-ին, ժամը 23-ից մինչև սեպտեմբերի 16-ի ժամը 6-ը, կդադարեցվի երթեւեկությունը Երեւանի Հանրապետության հրապարակում:

Ճանապարհային ոստիկանությունը վարորդներին հորդորում է վերը նշված ժամերից երկու ժամ առաջ դուրս բերել տրանսպորտային միջոցները Հանրապետության հրապարակի տարածքից, հակառակ դեպքում՝ զգուշացնում է՝ դրանք կտեղափոխվեն պահպանվող հատուկ տարածք: