Онлайн

Արմավիրի մարզում բերման են ենթարկվել «քրեական ենթամշակույթ» կրող անձինք

2020-02-13 17:27 , Право, 118

Արմավիրի մարզում բերման են ենթարկվել «քրեական ենթամշակույթ» կրող անձինք

ՀՀ ոստիկանությունից հայտնում են, որ հանրային անվտանգության ապահովման նպատակով «քրեական ենթամշակույթի» դեմ հետևողական պայքարը շարունակվում է։

Տեղեկացվում է, որ ոստիկանության Արմավիրի մարզային վարչության և տարածքային ստորաբաժանումների ծառայողները հերթական հատուկ միջոցառումն են իրականացրել Արմավիրի մարզում։

«Օպերատիվ տեղեկությունների հիման վրա տարբեր կասկածանքներով ոստիկանության Արմավիրի, Վաղարշապատի, Մեծամորի և Բաղրամյանի բաժիններ բերման են ենթարկվել քրեական ենթամշակույթ կրող և այդ ենթամշակույթին հարող անձինք։

Կատարվել են անձնական խուզարկություններ ու մեքենաների զննություններ։ Հայտնաբերվել են թմրամիջոցի նմանվող զանգվածներ, կամավոր հանձնվել է ապօրինի զենք-զինամթերք, այդ թվում՝ ատրճանակ»,-հայտնում են ոստիկանությունից՝ ընդգծելով, որ «քրեական ենթամշակույթ կրող անձինք մշտապես լինելու են ոստիկանության օպերատիվ տեսադաշտում՝ հանուն հասարակության անվտանգության»։

Лента

Рекомендуем посмотреть