ԱԱԾ տեսանյութի ձևակերպումներն անհիմն են․ ԵՊՀ իրավագիտության ֆակուլտետի գիտխորհուրդը՝ դասախոսի կողմից կաշառք ստանալու առնչությամբ - RadioVan.fm

Онлайн

ԱԱԾ տեսանյութի ձևակերպումներն անհիմն են․ ԵՊՀ իրավագիտության ֆակուլտետի գիտխորհուրդը՝ դասախոսի կողմից կաշառք ստանալու առնչությամբ

2020-02-14 17:37 , Право, 290

ԱԱԾ տեսանյութի ձևակերպումներն անհիմն են․ ԵՊՀ իրավագիտության ֆակուլտետի գիտխորհուրդը՝ դասախոսի կողմից կաշառք ստանալու առնչությամբ

Երևանի պետական համալսարանի (ԵՊՀ) իրավագիտության ֆակուլտետի գիտական խորհուրդը հայտարարություն է տարածել, որում մտահոգություն է հայտնում ՀՀ ազգային անվտանգության ծառայության (ԱԱԾ)՝ այսօր տարածած հաղորդագրության առնչությամբ։

Նշենք՝ ԱԱԾ-ն հայտնել է, որ բացահայտվել է ԵՊՀ դասախոսի կողմից կաշառք ստանալու մի շարք դեպքեր, ԵՊՀ իրավագիտության ֆակուլտետի ուսանողի միջանկյալ քննության դրական գնահատականի ստացումը հերթական անգամ ապահովելու համար 2020 թ. հունվարի 31-ին 1000 ԱՄՆ դոլարը վերցնելիս հիշյալ դասախոսը բռնվել ու բերման է ենթարկվել։

ԵՊՀ իրավագիտության ֆակուլտետի գիտական խորհուրդն, ահա, տարածած հաղորդագրությունում նշում է․

«ԵՊՀ իրավագիտության ֆակուլտետի գիտական խորհուրդն իր մտահոգությունն է

հայտնում այսօր Հայաստանի Հանրապետության ազգային անվտանգության

ծառայության կողմից հրապարակված տեսանյութում տեղ գտած տեղեկատվության մեջ

անորոշ, առերևույթ անհիմն ձևակերպումների վերաբերյալ։

Հարկ ենք համարում նշել, որ ԵՊՀ իրավագիտության ֆակուլտետը մշտապես

դատապարտել և հետևողական պայքար է մղել բոլոր տեսակի կոռուպցիոն

երևույթների և դրսևորումների դեմ։

Մեր խորին համոզմամբ, ԱԱԾ պաշտոնական տեղեկատվության մեջ առկա է շահարկման

ենթատեքստ, որն ուղղակի և անթույլատրելի վնաս է հասցնում ԵՊՀ

իրավագիտության ֆակուլտետի բարձր հեղինակությանը՝ ստվերելով ֆակուլտետի

վաստակաշատ պրոֆեսորադասախոսական կոլեկտիվի և ուսանողության բարի համբավը։

Հորդորում ենք ՀՀ իրավապահ մարմիններին առերևույթ հանցակազմ պարունակող

տեղեկատվություն տարածելիս ցուցաբերել առավելագույն իրավական կոռեկտություն

և որոշակիություն՝ անմեղության կանխավարկածը երաշխավորելու և անհարկի

շահարկումներից խուսափելու նպատակով»:

Մայր ԲՈւՀ-ի լրատվական ծառայությունն էլ իր հերթին անդրադառնալով Ազգային անվտանգության ծառայության պաշտոնական հաղորդագրությունը՝ պաշտոնապես հայտարարել է, որ ԵՊՀ իրավագիտության ֆակուլտետի ոչ մի դասախոս այս պահին բերման ենթարկված կամ ձերբակալված չէ։

Лента

Рекомендуем посмотреть