Մայիսյան գյուղի հյուրանոցի աշխատակցուհին մարմնավաճառից ծառայության կազմակերպման համար 1000-ական դրամ է ստացել․ հարուցվել է քրեական գործ - RadioVan.fm

Онлайн

Մայիսյան գյուղի հյուրանոցի աշխատակցուհին մարմնավաճառից ծառայության կազմակերպման համար 1000-ական դրամ է ստացել․ հարուցվել է քրեական գործ

2020-02-18 16:29 , Право, 414

Մայիսյան գյուղի հյուրանոցի աշխատակցուհին մարմնավաճառից ծառայության կազմակերպման համար 1000-ական դրամ է ստացել․ հարուցվել է քրեական գործ

Օրերս ոստիկանությունում ստացված օպերատիվ տեղեկությունների հիման վրա, որ Շիրակի մարզի Մայիսյան գյուղի հյուրանոցային համալիրներից մեկի աշխատակցուհին 2019 թվականից մարմնավաճառությամբ զբաղվելու համար պարբերաբար ռեստորան է հրավիրում մարմնավաճառների և ստացված գումարներից վերցնում 1000-ական դրամ, քրեական ոստիկանության գլխավոր վարչության, ոստիկանության Շիրակի մարզային վարչության, Մուշի և Ախուրյանի բաժինների ծառայողները ծավալուն միջոցառումներ են իրականացրել։

Նյութերի նախապատրաստման ընթացքում ոստիկանություն է հրավիրվել Գյումրիի մի բնակչուհի, որը հայտնել է, որ 2019-ի մայիսից զբաղվել է մարմնավաճառությամբ և Մայիսյան գյուղի հյուրանոցի աշխատակցուհու հետ նախնական պայմանավորվածություն է ձեռք բերել, որ եթե հյուրանոցի հաճախորդները ցանկանան օգտվել մարմնավաճառի ծառայություններից, աշխատակցուհին զանգելու է իրեն, որպեսզի գա հյուրանոց ու սեռական հարաբերություն ունենա հաճախորդի հետ։ Ըստ պայմանավորվածության՝ յուրաքանչյուր հաճախորդից ստացած գումարից 1000-ական դրամ կինը պետք է փոխանցեր հյուրանոցի աշխատակցուհուն։ Ըստ նրա՝ 2019 թվականի մայիսից դեկտեմբեր ընկած ժամանակահատվածում նշված հյուրանոցում, ամսական մոտավոր հաշվարկով, սեռական ծառայություն է մատուցել 15-ից 20 հաճախորդի և նշված ժամանակահատվածում հյուրանոցի աշխատակցուհուն փոխացնել է մոտավորապես 120․000 դրամ։

Նույնաբովանդակ բացատրություններ են ներկայացրել նաև Գյումրիի ևս 5 բնակչուհիներ։

Ոստիկանները ճշտել են հյուրանոցի աշխատակցուհու ինքնությունն ու բնակության վայրը։

Նա ոստիկանության բաժնում խոստովանել է, որ նման պայմանավորվածություն է ունեցել կանանց հետ ու ամեն հանդիպումից ստացել է 1000-ական դրամ գումար։

Փաստի առթիվ ոստիկանության Մուշի բաժնում հարուցվել է քրեական գործ։

Նախաքննությունը շարունակվում է։

Лента

Рекомендуем посмотреть