ՀՀ վարչապետ Նիկոլ Փաշինյանը, որը ժամ առաջ ներկայացրել էր երկրում կորոնավիրուսի վարակի վերջին տվյալները, ըստ որոնց վարակակիրների թիվը 84 է, ֆեյսբուքյան իր էջում տարակուսանք է հայտնել թափանցիկ աշխատելու առնչությամբ:
Նա գրել է.
«Ժողովուրդ ջան, մի բան ասեմ, բայց մեր մեջ:
Մենք էսպես թափանցիկ, բաց, կորոնավիրուսի մեր բոլոր դեպքերը հայտարարում ենք մեկ ժամվա ընթացքում:
Բայց մենք վստահ ե՞նք, որ աշխարհի բոլոր երկրները իրենց թվերը ճշգրիտ են ասում:
Սա էն դեպքն է, երբ մեր թափանցիկությունը կարող է աշխատել մեր դեմ: Եվ աշխարհը մեզ կարող է ընկալել որպես կորոնավիրուսային վտանգ, չնայած իրականում, մենք ամենաանվտանգն ենք՝ փաստացի:
Սա չեմ ասում դեպքեր թաքցնելու համար հիմքեր նախապատրաստելու համար: Դա բացառված է, մենք դա չենք անի: Ասում եմ, որ իմանաք, որ ունենք նաև այսպիսի ռիսկեր»:
Լուսանկարը՝ Sputnik-ի