Онлайн

Մահացել է Լևոն Արոնյանի կինը՝ Արիանա Կաոիլին

2020-03-31 02:05 , Общество, 1351

Մահացել է Լևոն Արոնյանի կինը՝ Արիանա Կաոիլին

Կյանքից հեռացել է հայկական շախմատի առաջատար, ՖԻԴԵ-ի աշխարհի գավաթակիր Լևոն Արոնյանի կինը՝ ՖԻԴԵ-ի կանանց միջազգային վարպետ Արիանա Կաոիլին: Այդ մասին թվիթերյան իր էջում հայտնել է Լևոն Արոնյանը։

«Բառեր չկան արտահայտելու կնոջս՝ Արիանայի մահվան վիշտը։ Նա խելացի, աշխատասեր և կենսուրախ անձնավորություն էր, ով ապրեց գեղեցիկ կյանք։ Ես սիրում եմ քեզ. ննջիր խաղաղությամբ....»,- գրել է Արոնյանը։

Հիշեցնենք՝ մարտի 14-ին Երևանի Սեբաստիա փողոցում տեղի ունեցած ավտովթարի հետևանքով Արիանա Կաոիլին ծանր վիճակում տեղափոխվել էր հիվանդանոց, ուր գտնվում էր մինչ այժմ: Ենթարկվել էր մի քանի վիրահատության, թոքերի հետ կապված խնդիրների պատճառով տեղափոխվել էր վերակենդանացման բաժանմունք:

Լևոն Արոնյանի և ֆիլիպինցի Արիանա Կաոիլիեի հարսանյաց հանդիսությունը կայացել էր 2017թ. սեպտեմբերի 30-ին: Զույգի պսակադրության արարողությունը Սաղմոսավանքում էր: Հարսանիքի քավորը եղել է Հայաստանի երրորդ նախագահ Սերժ Սարգսյանը:

33-ամյա շախմատիստուհի Արիանե Կաոիլին Հայաստանում հայտնի էր իր ակտիվ հասարակական գործունեությամբ: Նա «Ճամփորդ» թերթի գլխավոր խմբագիրը և համանուն ՍՊԸ-ի հիմնադիրն էր: Թերթը 20 հազար օրինակով ամեն երեքշաբթի երևանցիներին տրվում էր անվճար հանրային տրանսպորտում:

Արիանեն նաև հասարակական հիմունքներով նախկին վարչապետ Կարեն Կարապետյանի խորհրդականն է եղել:

2018-ին՝ Հայաստանի անկախության օրը, նա Թուրքիայի և Իրանի տարածքով դեպի Հայաստան հեծանվաարշավ էր նախաձեռնել: Նպատակը Հայաստանի գյուղական համայնքներում ապրող հայ երեխաներին որակյալ առողջապահական, ֆիզիկական կրթությունը հասանելի դարձնելու համար գումարներ հավաքագրելն էր։

Лента

Рекомендуем посмотреть