Онлайн
Հայաստանի տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ Արտաշավանի, Ապարանի, Արագածի, Վանաձորի, Ստեփանավանի, Սպիտակի, Աբովյանի, Հրազդանի, Սևանի, Գավառի, Մարտունու, Վարդենիսի, Ճամբարակի, Դիլիջանի, Վայքի, Ջերմուկի, Սիսիանի, Գորիսի տարածաշրջաններում, ինչպես նաև Տիգրանաշենի, Սարավանի, Վարդենյաց և Մեղրու լեռնանցքներում հոկտեմբերի 18-ին՝ ժամը 09:30-ի դրությամբ, տեղում է ձյուն:
Ճանապարհաշինարարները նշված հատվածներում կատարում են աղով, ավազով մշակման և մաքրման աշխատանքներ՝ փոխանցում են նախարարությունից՝ վարորդներին խորհուրդ տալով երթեւեկել բացառապես ձմեռային անվադողերով:
Արտակարգ իրավիճակների նախարարությունը (ԱԻՆ), իր հերթին, տեղեկացնում է, որ այսօր ժամը 10-ի դրությամբ Հայաստանի տարածքում դժվարանցանելի են Սոթք-Քարվաճառ ավտոճանապարհը, Երևան-Սևան ավտոճանապարհի 25-30 կիլոմետրեր հատվածը, Սիսիան-Զանգեր, Գորիս-Շինուհայր, Դիլիջան-Սևան (թունելի սկզբնամաս) ավտոճանապարհները և Վարդենյաց լեռնանցքը:
