Онлайн
Սպորտային հագուստի, կոշիկների և պարագաների արտադրությամբ զբաղվող Nike ընկերությունն ավելի քան 30 հազար զույգ կոշիկ կբաժանի կորոնավիրուսով հիվանդների բուժման գործում ներգրավված ԱՄՆ-ի և Եվրոպայի բուժաշխատողներին։
CNN-ի փոխանցմամբ՝ 2019 թվականի նոյեմբերին թողարկված Air Zoom Pulse-ը բժշկների՝ մերօրյա հերոսների համար նախատեսված ընկերության առաջին կոշիկն է։
Նշվում է, որ ավելի քան 30 հազար զույգ կոշիկ կնվիրավբերի Չիկագոյի, Լոս Անջելեսի, Մեմֆիսի, Նյու Յորքի առողջապահական համակարգին և հիվանդանոցներին, ինչպես նաև վետերանների առողջության վարչությանը։
Նյու Յորքի քաղաքապետ Բիլ դը Բլասիոն թվիթերյան իր էջում կատարած գրառմամբ՝ երախտագիտություն է հայտնել սպորտային հագուստի ընկերությանը։
«Շատ շնորհակալ եմ մեր առաջնագծի առողջապահության հերոսներին սատարելու համար»,-գրել է նա։
Stepping up for New Yorkers? Nike Just Did It!
Thank you so much for supporting our front line health care heroes and the @NYCMayorsFund. https://t.co/CVmWXSvAiO
— Mayor Bill de Blasio (@NYCMayor) May 4, 2020
Հավելենք նաև, որ ևս 2,5 հազար զույգ կոշիկ նվիրաբերվել է Եվրոպայի հիվանդանոցներին, այդ թվում՝ Բարսելոնայում, Միլանում, Փարիզում, Բեռլինում, Լոնդոնում և Բելգիայում աշխատող բուժաշխատողներին։
