Նպաստառու ընտանիքների 6-9 տարեկան դպրոցականներին 8 հազարական դրամ կտրվի - RadioVan.fm

Онлайн

Նպաստառու ընտանիքների 6-9 տարեկան դպրոցականներին 8 հազարական դրամ կտրվի

2020-06-05 21:21 , Общество, 333

Նպաստառու ընտանիքների 6-9 տարեկան դպրոցականներին 8 հազարական դրամ կտրվի

«Դպրոցական սնունդ» ծրագիրը կշարունակի իրականացվել՝ անկախ դպրոցների փակ լինելու հանգամանքից` վստահեցումն ամրագրվել է ՀՀ աշխատանքի և սոցիալական հարցերի նախարար Զարուհի Բաթոյանի և Հայաստանում պարենի համաշխարհային ծրագրիներկայացուցիչ և գրասենյակի տնօրեն Ելենա Միլոշևիչի ստորագրած համաձայնագրում:

Աշխատանքի և սոցիալական հարցերի նախարարությունից հայտնում են, որ ըստ համաձայնագրի՝ ծրագիրը կշարունակվի իրականացվել, սակայն «Ճգնաժամային իրավիճակներին արձագանքող դպրոցական սնունդ» ծրագրի տեսքով՝ հիմնական դպրոցների շուրջ 29300 աշակերտների համար:

«Պարենի համաշխարհային ծրագիրը կհատկացնի շուրջ 233 մլն դրամ՝ որպես միանվագ աջակցություն՝ համավարակի պայմաններումծրագիրը Երևանում և ՀՀ բոլոր մարզերում արդյունավետ իրականացնելու նպատակով:

Ծրագրի շահառուներ կդառնան 2020 թ.-ի հունիսի դրությամբ ընտանեկան նպաստի համակարգում ներառված ընտանիքների 6-9 տարեկան երեխաները, որոնցից յուրաքանչյուրի համար 40 օրվա համար կհատկացվի 8 հազարական դրամ:

Դրամական կանխիկ փոխանցումները ստանալու համար ՀՀ աշխատանքի և սոցիալական հարցերի նախարարությունը կնույնականացնի շահառուներին՝ ամբողջական ցուցակը փոխանցելով պարենի համաշխարհային ծրագրին և Կայուն դպրոցական սնունդ հիմնադրամին: Փոխանցումը կիրականացվի նույն սկզբունքով, որով կատարվում է ընտանեկան նպաստնի վճարումը»,-մանրամասնում են սոցիալական գերատեսչությունից:

Лента

Рекомендуем посмотреть