«Վերջին 3 ամիսներին ոստիկանությունը շատ ծանր, անդադար աշխատանք է կատարել, որի արդյունքում շատ մեծ էներգիա է սպառվել, և ընկալումներ են փոխվել: Բայց առաջիկայում էլ համավարակի հաղթահարման գործում էական է լինելու ոստիկանության աշխատանքի որակը: Որքան էլ հասկանալի է, որ իսկապես ոստիկանության ողջ անձնակազմը հյուծման եզրին է գտնվում, պետք է նոր էներգիա հաղորդել, որքան էլ դա անհնար թվա»,-ոստիկանության ղեկավար կազմին նորանշանակ ոստիկանապետ Վահե Ղազարյանին ներկայացնելիս ասել է վարչապետ Նիկոլ Փաշինյանը՝ շնորհակալություն հայտնելով նախկին ոստիկանապետ Արման Սարգսյանին կատարած աշխատանքի համար։
Փաշինյանն ընդգծել է, որ այսօր բարդ, անսպասելի ժամանակներ են, և ոստիկանության գործունեության հավելյալ՝ ամենամեծ մարտահրավերը կորոնավիրուսի համավարակն է:
Նա նորանշանակ ոստիկանապետի ամենաառաջին խնդիրը համարում է ոստիկանությանն այդ էներգիան հաղորդելը և նոր լիցք տալը հակահամաճարակային կանոնները պահպանելու առումով:
Փաշինյանը համոզմունք է հայտնել, որ համավարակը ժամանակավոր է, և «այն կհաղթահարենք շատ շուտով կամ մի փոքր ուշ»:
Մանրամասները՝ տեսանյութում։