Եվրամիությունն այսօրվանից բացում է արտաքին սահմանները 15 պետությունների համար:
Դրանք այն երկրներ են, որոնք կորոնավիրուսի համաճարակի տարածման առումով համարվել են առավել անվտանգ։
Ինչպես տեղեկանում ենք Եվրամիության պաշտոնական կայքից՝ ցանկում ներառված են հետևյալ երկրները.
- Ալժիր,
- Ավստրալիա,
- Կանադա,
- Վրաստան,
- Ճապոնիա,
- Մոնտենեգրո,
- Մարոկո,
- Նոր Զելանդիա,
- Ռուանդա,
- Սերբիա,
- Հարավային Կորեա,
- Թայլանդ,
- Թունիս,
- Ուրուգվայ,
- Չինաստան ՝ ենթակա է փոխադարձության հաստատման։
Ցանկը կազմելիս հաշվի են առնվել հետևյալ չափանիշները. Համաճարակային իրավիճակը և կորոնավիրուսի տարածումը զսպող միջոցները, այդ թվում՝ ֆիզիկական հեռավորությունը, տնտեսական և սոցիալական նկատառումները:
Նշվում է, որ կախված այս կամ այն երկրի համաճարակային իրավիճակից՝ նշյալ ցանկը կթարմացվի յուրաքանչյուր 14 օրը մեկ:
Հիշեցնենք՝ կորոնավիրուսի հետագա տարածումը կանխելու նպատակով Եվրամիության արտաքին սահմանները փակվել էին մարտի 18-ից:
Պատրաստեց՝ Լիաննա Մարգարյանը