Արկի պայթյունի հետևանքով Չինարիում առանձնատուն է վնասվել, ընտանիքի անդամները պատսպարվել են թաքստոցում․ Քննչականը՝ քրգործի հարուցմամբ - RadioVan.fm

Онлайн

Արկի պայթյունի հետևանքով Չինարիում առանձնատուն է վնասվել, ընտանիքի անդամները պատսպարվել են թաքստոցում․ Քննչականը՝ քրգործի հարուցմամբ

2020-07-14 17:45 , Право, 174

Արկի պայթյունի հետևանքով Չինարիում առանձնատուն է վնասվել,  ընտանիքի անդամները պատսպարվել են թաքստոցում․ Քննչականը՝ քրգործի հարուցմամբ

2020թ. հուլիսի 13-ին՝ ժամը 15։10-ի սահմաններում, հայ-ադրբեջանական սահմանագծի Տավուշի մարզի Բերդ համայնքի Չինարի բնակավայրին սահմանակից հակառակորդի մարտական հենակետերից ազգային ատելության շարժառիթով, շատերի կյանքի համար վտանգավոր եղանակով, ապօրինաբար, դիտավորությամբ կյանքից զրկելու և գույքը դիտավորյալ ոչնչացնելու նպատակով կրակոցներ են արձակվել նույն բնակավայրի 19-րդ փողոցի տներից մեկի բնակչի առանձնատան ուղղությամբ։

ՀՀ քննչական կոմիտեիտեղեկատվության և հասարակայնության հետ կապերի բաժնի հաղորդմամբ՝ «կրակված արկի պայթյունի հետևանքով վնասվել է նշված առանձնատունը, իսկ վերոնշյալ բնակիչը և նրա ընտանիքի անդամները պատսպարվել են թաքստոցում, որպիսի պայմաններում հանցագործությունն ավարտին չի հասցվել»:

Դեպքի առթիվ նույն օրը ՀՀ քննչական կոմիտեի Տավուշի մարզային քննչական վարչության Բերդի քննչական բաժնում հարուցվել է քրեական գործ՝ ՀՀ քրեական օրենսգրքի 34-104 հոդվածի (սպանության փորձ) 2-րդ մասի 6-րդ,13-րդ կետերով և 185-րդ հոդվածի (գույքը դիտավորությամբ ոչնչացնելը կամ վնասելը) 2-րդ մասի 1-ին և 4-րդ կետերով: Կատարվում է նախաքննություն:

Лента

Рекомендуем посмотреть