Ձեռնարկվում են միջոցներ մոլորվելու արդյունքում Նախիջևանում հայտնված ու գերեվարված Նարեկ Սարդարյանին ՀՀ վերադարձնելու ուղղությամբ. ԱԱԾ - RadioVan.fm

Онлайн

Ձեռնարկվում են միջոցներ մոլորվելու արդյունքում Նախիջևանում հայտնված ու գերեվարված Նարեկ Սարդարյանին ՀՀ վերադարձնելու ուղղությամբ. ԱԱԾ

2020-07-16 14:46 , Политика, 169

Ձեռնարկվում են միջոցներ մոլորվելու արդյունքում Նախիջևանում հայտնված ու գերեվարված Նարեկ Սարդարյանին ՀՀ վերադարձնելու ուղղությամբ. ԱԱԾ

Ազգային անվտանգության ծառայությունը (ԱԱԾ) հաղորդագրություն է տարածել, որում ասված է, որ 2020 թ. հուլիսի 8-ին` ժամը 11:00-12:00-ի սահմաններում, Արցախի Հանրապետության Նախիջևանի Ինքնավար Հանրապետության հետ սահմանակից ՀՀ Սյունիքի մարզի Գորայք համայնքի վարչական տարածքի արոտավայրերում սեփական անասուններն արածացնելիս անհայտ կորել է Սյունիքի մարզի Ներքին Խնձորեսկ գյուղի բնակիչ, 1990 թ. ծնված, ՀՀ քաղաքացի Նարեկ Սարդարյանը:

Պարզվել է, որ Ն.Սարդարյանը կորած անասունները որոնելու արդյունքում մոլորվել և անցել է ԱՀ Նախիջևանի տարածք, որտեղ գերեվարվել է:

«Ն.Սարդարյանը բնութագրվում է որպես հայրենասեր, հանգիստ և աշխատասեր անձնավորություն, տեղական ինքնակառավարման և իրավապահ մարմինների հետ երբևիցե խնդիրներ չի ունեցել: Ն.Սարդարյանն ունի ընտանիք և անչափահաս երեխաներ, որոնց հոգսերը հոգում է ինքը»,-նշում են ԱԱԾ-ից՝ հայտնելով, որ ներկայումս ձեռնարկվում են համապատասխան միջոցներ` Նարեկ Սարդարյանին ՀՀ վերադարձնելու ուղղությամբ:

Лента

Рекомендуем посмотреть