Ռազմական համալսարանում ուսանող աղջիկները ամենամսյա կրթաթոշակ կստանան - RadioVan.fm

Онлайн

Ռազմական համալսարանում ուսանող աղջիկները ամենամսյա կրթաթոշակ կստանան

2017-10-27 18:55 , Образование, 2731

Ռազմական համալսարանում ուսանող աղջիկները ամենամսյա կրթաթոշակ կստանան

Վազգեն Սարգսյանի անվան ռազմական համալսարանի 28 ուսանողուհիներ այսուհետև Հայաստանի երիտասարդական հիմնադրամի (ՀԵՀ) կողմից կստանան կրթաթոշակներ։Կրթաթոշակը դրամական փոխանցման տեսքով ամեն ամիս ուսանողուհիներին կտրվի 2017-2018 ուսումնական տարվա ընթացքում։

«Իրականում մեր ցանկությունն է, որպեսզի Վազգեն Սարգսյանի անվան ռազմական համալսարանը դառնա մեր երկրի ամենագրավիչ կրթական հաստատություններից մեկը։ Այն գումարը, որ նախատեսել է հիմնադրամը որպես կրթաթոշակ ձեզ հատկացնելու, համապատասխանում է այսօր բուհերում սովորող ուսանողների կրթաթոշակին։ Սա կգումարվի ձեր կրթաթոշակին, որը հատկացվում է պաշտպանության նախարարության կողմից, և դուք մի փոքր ավելի շատ խնդիրներ կկարողանանք լուծել»,-այսօր հավաստագրերի հանձնման արարողության ընթացքում դիմելով ներկա աղջիկ կուրսանտներին՝ ասել է Հայաստանի երիտասարդական հիմնադրամի հոգաբարձուների խորհրդի համակարգող Կարեն Ավագյանը:

Նա նաև կոչ է արել աղջիկ կուրսանտներին ռազմական մասնագիտությունը վարակիչ դարձնել շրջապատում:

Лента

Рекомендуем посмотреть