Սահմանապահ բնակիչները, ոչ միայն ընկճված չեն, այլ իրենց հողին կանգնած են ավելի ամուր․ մարզպետ

Սահմանապահ բնակիչները, ոչ միայն ընկճված չեն, այլ իրենց հողին կանգնած են ավելի ամուր, քան երբևէ․ վստահեցնում է հրետակոծությունից ամենից շատ տուժած Այգեպար և Ներքին Կարմիրաղբյուր համայնքներ այցելած Տավուշի մարզպետ Հայկ Չոբանյանը։

Նա տեղեկացնում է, որ հակառակորդի հրետակոծության արդյունքում մեր սահմանամերձ գյուղերի շուրջ 100 վնասված շինությունների վերականգման աշխատանքները շարունակում են ակտիվորեն ընթանալ, նաև մեկնարկել է Այգեպար գյուղի փողոցների ասֆալտապատման աշխատանքները։

«Վերականգնման աշխատանքներն ավարտելու ենք հնարավոր ամենասեղմ ժամկետներում, և մեր բնակիչներն ունենալու են ավելի լավ տներ, քան ունեցել են հրետակոծությունից առաջ»,-գրել է մարզպետը՝ նշելով, որ շատ ոգևորված և հպարտ է մեր սահմանապահ բնակիչներով։

Հիշեցնենք՝ հայ-ադրբեջանական պետական սահմանագոտում հակառակորդի կողմից հուլիսյան սրացումների հետևանքով Տավուշին 150 մլն դրամի վնաս է հասցվել150 մլն դրամի վնաս է հասցվել։ ՀՀ կառավարությունը վերականգնման աշխատանքների համար առայժմ 25 մլն դրամ է հատկացրել։