«Տիգրանակերտ»-ը բացվում է․ Աննա Հակոբյանը ներկայացրել է իր ֆոտոշարքը պատմամշակութային արգելոցում - RadioVan.fm

Онлайн

«Տիգրանակերտ»-ը բացվում է․ Աննա Հակոբյանը ներկայացրել է իր ֆոտոշարքը պատմամշակութային արգելոցում

2020-08-17 18:07 , Общество, 1438

«Տիգրանակերտ»-ը բացվում է․ Աննա Հակոբյանը ներկայացրել է իր ֆոտոշարքը պատմամշակութային արգելոցում

Օգոստոսի 17-ից «Տիգրանակերտ» պետական պատմամշակութային արգելոցը կրկին բացելու է իր դռները զբոսաշրջիկների համար։ Այս մասին ֆեյսբուքյան էջում հայտնել է վարչապետի կինը՝ Աննա Հակոբյանը՝ վերահրապարակելով ֆոտոշարքը Արցախից։ Հիշեցնենք, որ նա մոտ երկու ամիս է՝ արշավ է նախաձեռնել համացանցում՝ ներկայացնելով հայկական մշակույթը, զբոսաշրջային վայրերը, հոգևոր արժեքները, սնունդն ու ավանդույթները։

Լուսանկարներում նա կրում է հայկական դիզայներների հագուստն ու զարդերը։

Տիգրանակերտ․ կայսերական ուժն ու անտիկ Հայաստանի վեհությունը

Տիգրանակերտը հիմնադրել է Արցախում Հայոց արքա Տիգրան II Մեծը: Այն Տիգրանի անունը կրող միակ բնակավայրն է, որի տեղը ճշգրտորեն պարզված է և, որտեղ մինչ օրս կատարվում են հնագիտական հետազոտություններ: Պեղումների արդյունքում բացվել են քաղաքի միջնաբերդի պարիսպների մի հատվածը, պարիսպների ժայռափոր հիմքերը և կենտրոնական թաղամասի բազիլիկ եկեղեցու մի հատվածը: «»

Հետազոտվել են նաև քաղաքի մերձակայքում գտնվող պաշտամունքային-քարայրային համալիրը, նրա ստորոտով անցնող ժայռափոր ջրանցքը, Խաչենագետի ձախ ափին գտնվող վաղմիջնադարյան ամրոցը:

Հնագիտական թանգարանում կտեսնեք Տիգրանակերտի վերջին 4 տարվա պեղումների արդյունքում հայտնաբերված գտածոների որոշ մասը` մոտ 200 իր: Թանգարանի երեք դահլիճներում ցուցադրված են մ.թ.ա 5-րդ դարից մինչև մ․թ․ 17-րդ դարերը պատմական ժամանակաշրջանին պատկանող նյութական մշակույթի յուրահատուկ առարկաներ։

Ուրախությամբ տեղեկացնում եմ, որ օգոստոսի 17-ից «Տիգրանակերտ» պետական պատմամշակութային արգելոցը կրկին բացելու է իր դռները՞,– գրել է նա։

Лента

Рекомендуем посмотреть