Թովուզի շրջանում հայ-ադրբեջանական պետական սահմանին ադրբեջանցի զինծառայող է վիրավորվել:
Այդ մասին հայտնում է Ադրբեջանի պաշտպանության նախարարությունը՝ նշելով, թե «ենթասպա Ալիև Ռենատ Էլդար օղլին վիրավորվել է նախօրեին երեկոյան, հակառակորդի կողմից հրադադարի ռեժիմի կոպիտ խախտման հետևանքով»:
Ի դեպ՝ նախօրեին Հայաստանի պաշտպանության նախարարության մամուլի խոսնակ Շուշան Ստեփանյանը տեղեկացրել էր, որ ադրբեջանական կողմը փորձում է ամրաշինական նոր աշխատանքներ ծավալել: