Онлайн
Վաղ առավոտից Ադրբեջանի զինված ուժերի կողմից արցախա-ադրբեջանական սահմանին լայնածավալ հարձակման հետևանքով՝ այդ թվում ավելի քան 50 խաղաղ բնակավայրերի վրա ծանր հրետանու ու օդուժի կրառմամբ, այս պահին հաստատված 2 զոհ կա, վիրավորների առումով թվերը ճշտվում են, 30-ից ավելի վիրավորների մասին է հայտնի քաղաքացիական բնակչության շրջանում:
Այդ մասին Արցախի տեղեկատվական շտաբում հրավիրված մամլո ասուլիսում հայտարարեց Արցախի մարդու իրավունքների պաշտպան (ՄԻՊ) Արտակ Բեգլարյանը:
Նրա հաղորդմամբ` նյութական վնասները ևս բազմաթիվ ու բազմաբնույթ են:
Մանրամասները՝ տեսանյութում։
Հիշեցնենք՝ ադրբեջանական զինված ուժերի կողմից այսօր սկսած լայնածավալ հարձակման հետևանքների վերաբերյալ Արցախի մարդու իրավունքների պաշտպանի (ՄԻՊ) աշխատակազմը փաստահավաք առաքելություն է սկսել։
Ինչ վերաբերվում է զինծառայողների շրջանում կորուստներին՝ Արցախի պաշտպանության նախարարի տեղակալ Արթուր Սարգսյանը քիչ ավելի վաղ տեղեկացրել էր 16 զոհի և 100-ից ավելի վիրավորների մասին:
