Онлайн
«Մենք շարունակում ենք ականատեսը դառնալ Լեռնային Ղարաբաղում ընթացող մարտերին: Ադրբեջանական զինված ուժերը ռմբակոծում են մայրաքաղաք Ստեփանակերտը և կրակ են բացում քաղաքացիական ենթակառուցվածքների վրա: Հայաստանի Հանրապետության տարածքը նույնպես ենթարկվում է ռմբակոծության: Ադրբեջանի ռմբակոծության արդյունքում վիրավորվել են տեղական և արտասահմանյան ԶԼՄ ներկայացուցիչները: Հայ ազգի անվտանգությունը վտանգի տակ է, ամբողջ աշխարհի անվտանգությունը ևս վտանգված է»,-այդ մասին սոցիալական կայքերի տարբեր հարթակներում գրառում է կատարել Հայաստանի ֆուտբոլի ազգային հավաքականի ավագ, իտալական «Ռոմա»-ի ֆուտբոլիստ Հենրիխ Մխիթարյանը։
Նա ընդգծել է, որ եթե այն չկանգնեցվի այսօր, ապա վաղը կարող է դուրս գալ տարածաշրջանից:
«Այսօր մեր երեխաները թիրախավորվել են: Եւս մեկ անգամ կոչ եմ անում միջազգային հանրությանը օգնել դադարեցնելու ռազմական գործողությունները հայերի և ամբողջ աշխարհի դեմ»,- գրել է Մխիթարյանը:
