Ադրբեջանի ագրեսիայի հետևանքով Արցախում 45 խաղաղ բնակիչ է սպանվել, առնվազն 141-ը՝ վիրավորվել - RadioVan.fm

Онлайн

Ադրբեջանի ագրեսիայի հետևանքով Արցախում 45 խաղաղ բնակիչ է սպանվել, առնվազն 141-ը՝ վիրավորվել

2020-11-01 00:27 , Право, 255

Ադրբեջանի ագրեսիայի հետևանքով Արցախում 45 խաղաղ բնակիչ է սպանվել, առնվազն 141-ը՝ վիրավորվել

Մինչև հոկտեմբերի 31-ը ներառյալ Ադրբեջանի կողմից քաղաքացիական բնակավայրերի թիրախավորման արդյունքում սպանվել է ընդհանուր 45 խաղաղ բնակիչ, որից 1 մանկահասակ աղջիկ, 7 կին և 37 տղամարդ: Մարմնական վնասվածքներ է ստացել ընդհանուր առմամբ 141 մարդ, որից 120 անձ ստացել է լուրջ վնասվածքներ: Վերջիններից 101-ը արական, իսկ 19-ը` իգական սեռի քաղաքացիներ են:

Այդ մասին տեղեկացնում ենք Արցախի մարդու իրավունքների պաշտպանի աշխատակազմի՝ սեպտեմբերի 27-ից Արցախի քաղաքացիական բնակչության դեմ ադրբեջանական հանցագործությունների հետևանքների վերաբերյալ իրականացվող փաստահավաք առաքելության արդյունքների վերաբերյալ թարմացված հրապարակումից։

Նույն ժամանակահատվածում Արցախի Հանրապետության 160 բնակավայրերին հասցվել է նյութական մեծ վնաս, մասնավորապես՝ 13100 մասնավոր անշարժ գույք, 2000 մասնավոր շարժական գույք, 2700 ենթակառուցվածքներ, հանրային և արտադրական նշանակության օբյեկտներ:

Лента

Рекомендуем посмотреть