Կանադայում մեկ գիշերվա մեջ երկու եկեղեցի է այրվել

Կանադայի Օնտարիո նահանգում անցնող գիշեր երկու եկեղեցի է այրվել՝ ամբողջությամբ։

CTV հեռուստաալիքի հաղորդմամբ՝ միմյանցից 7 կմ հեռավորության վրա գտնվող եկեղեցիներում հրդեհը բռնկվել է 6 ժամ տարբերությամբ։

Իրավապահների տվյալներով՝ տուժածներ չկան։

Իշխանությունները չեն բացառում հրկիզման վարկածը։

Cbc-ն գրում է, որ Օնտարիոյի նահանգային ոստիկանությունը, որը ժամանելիս կառույցը գտել է ամբողջովին բոցավառված, այդ «շատ կասկածելի» հրդեհների փաստով հետաքննություն է սկսել։