Դեմոկրատ թեկնածու Ջո Բայդենն ընտրվել է Ամերիկայի Միացյալ Նահանգների (ԱՄՆ) 46-րդ նախագահ։
Այս մասին գրում է CNN-ը՝ նշելով, որ նորընտիր նախագահը միասնության կոչով ուղերձ կհղի:
Բայդենն ինքը ժամ առաջ Twitter-ում գրել է.
«Ամերիկա, ինձ համար մեծ պատիվ է, որ ինձ եք ընտրել՝ առաջնորդելու մեր հզոր երկիրը։ Մեզ սպասվում է ծանր աշխատանք, բայց ես խոստանում եմ՝ լինելու եմ բոլոր ամերիկացիների նախագահը՝ անկախ նրանից քվեարկել եք ինձ համար, թե՝ ոչ»։
America, I’m honored that you have chosen me to lead our great country.
The work ahead of us will be hard, but I promise you this: I will be a President for all Americans — whether you voted for me or not.
I will keep the faith that you have placed in me. pic.twitter.com/moA9qhmjn8
— Joe Biden (@JoeBiden) November 7, 2020
Նշենք՝ ԱՄՆ նախագահն ընտրվում է ոչ թե ուղղակի քվեարկությամբ, այլ Ընտրական կոլեգիայի միջոցով, որում ամեն նահանգ ներկայացված է իր բնակչության թվին համապատասխան քանակի ընտրիչներով: Հաղթելու համար թեկնածուին անհրաժեշտ է ստանալ 538 ընտրիչներից առնվազն 270-ի քվեն:
Ամերիկյան լրատվամիջոցների հաղորդմամբ՝ Բայդենը հավաքել է 290 ընտրիչի ձայն, Թրամփը՝ 214:
Մինչդեռ, նշենք, հանրապետական թեկնածու, գործող նախագահ Դոնալդ Թրամփը դեմոկրատներին մեղադրում է ընտրակեղծիքների ու ճնշումների մեջ:
«Օրինական ձայների հաշվարկով ես հաղթել եմ»,- հայտարարել է Թրամփը՝ նշելով, որ անօրինական ձայների հաշվարկի միջոցով դեմոկրատները փորձում են գողանալ ընտրությունները:
Նախագահ Թրամփի թիմը հայտարարել է ընտրությունների արդյունքները վիճարկելու մասին: