Դեկտեմբերի 7-ից Երևանի դպրոցների 5-12-րդցիները դասերը դպրոցում կանեն

Երևանի հանրակրթական ուսումնական հաստատությունների 5-12-րդ դասարաններում վերսկսվում է առկա ուսուցումը։

Այս մասին տեղեկանում ենք Երևանի քաղաքապետարանի աշխատակազմի հանրակրթության վարչությունից։

«ՀՀ կրթության, գիտության, մշակույթի և սպորտի նախարարությունը ՀՀ առողջապահության նախարարության հետ մեկտեղ որոշում է կայացրել սույն թվականի դեկտեմբերի 7-ից վերսկսել առկա կրթություն ՀՀ հանրակրթական ուսումնական հաստատությունների նաև 5-12-րդ դասարանների սովորողների համար՝ ՀՀ առողջապահության նախարարի 2020 թվականի սեպտեմբերի 18-ի N 24-Ն հրամանով հաստատված պահանջների պահպանմամբ»,- ասված է տարածված հաղորդագրությունում։