Սարսել քաղաքը ճանաչել է արցախահայերի ինքնորոշման իրավունքը՝ Ֆրանսիային կոչ անելով դիվանագիտական հարաբերություններ հաստատել - RadioVan.fm

Онлайн

Սարսել քաղաքը ճանաչել է արցախահայերի ինքնորոշման իրավունքը՝ Ֆրանսիային կոչ անելով դիվանագիտական հարաբերություններ հաստատել

2020-12-17 15:13 , Политика, 214

Սարսել քաղաքը ճանաչել է արցախահայերի ինքնորոշման իրավունքը՝ Ֆրանսիային կոչ անելով դիվանագիտական հարաբերություններ հաստատել

Արցախի Մարտակերտի քույր քաղաք Ֆրանսիայի Սարսելը բանաձև է ընդունել Արցախում տիրող իրավիճակի վերաբերյալ։

Արցախի արտաքին գործերի նախարարության փոխանցմամբ՝ բանաձևում, մասնավորապես, նշված է.

2020 թ. սեպտեմբերի 27-ին Ադրբեջանը՝ Թուրքիայի աջակցությամբ, առանձնահատուկ ուժգնության հարձակում սանձազերծեց Արցախի Հանրապետության դեմ: Արցախի Հանրապետության մի զգալի մասը, որ բնակիչները հարկադրված լքել էին, զավթվել է Ադրբեջանի կողմից:

Այս իրավիճակից ելնելով՝ Սարսել քաղաքը միաձայն.

▪️ հաստատում է հակամարտության վերջնական կարգավորման հասնելու հրատապ անհրաժեշտությունը, որը կերաշխավորի խաղաղ բնակչության կայուն անվտանգությունը,

▪️ հաստատում է Արցախի Հանրապետությունը լքած խաղաղ բնակչության՝ իրենց բնակավայրեր անվտանգ հետ վերադառնալու բացարձակ անհրաժեշտությունը,

▪️ ճանաչում է Արցախի Հանրապետության հայերի ինքնորոշման իրավունքը` որպես նրանց անվտանգության երաշխիքի միակ հնարավորություն,

▪️ կոչ է անում Ֆրանսիայի կառավարությանը ճանաչել Արցախի Հանրապետությունը և դիվանագիտական հարաբերություններ հաստատել վերջինիս իշխանությունների հետ՝ հակամարտության վերջնական կարգավորմանը հասնելու նպատակով,

▪️ 5000 եվրոյի չափով օժանդակություն է տրամադրում Ֆրանսիայի Համահայկական հիմնադրամին` հակամարտությունից տուժած բնակչությանն օգնություն ցուցաբերելու համար:

Лента

Рекомендуем посмотреть