Հետախուզվողը հայտնաբերվելիս պատանդ է վերցրել իր 3-ամյա որդուն․ ոստիկանապետը մոտ 2 ժամ բանակցել է - RadioVan.fm

Онлайн

Հետախուզվողը հայտնաբերվելիս պատանդ է վերցրել իր 3-ամյա որդուն․ ոստիկանապետը մոտ 2 ժամ բանակցել է

2021-01-27 16:37 , Право, 1067

Հետախուզվողը հայտնաբերվելիս պատանդ է վերցրել իր 3-ամյա որդուն․ ոստիկանապետը մոտ 2 ժամ բանակցել է

ՀՀ ոստիկանությունից հայտնում են, որ այսօր՝ հունվարի 27-ի առավոտյան, ոստիկանության օպերատիվ խմբերն այցելել են Երևանի Ղափանցյան փողոցի առանձնատներից մեկը՝ հետախուզվող տղամարդուն հայտնաբերելու նպատակով։

Ոստիկանությունից մանրամասնում են, որ նա, տեսնելով ոստիկաններին, ատրճանակից կրակոցներ է արձակել, ինչից հետո իր 3-ամյա որդուն պահել է մոտն ու սպառնացել, որ բերման ենթարկվելու դեպքում կվնասի։

«Դեպքի վայր են ժամանել ՀՀ ոստիկանության պետ Վահե Ղազարյանը, ոստիկանության պետի առաջին տեղակալ Արամ Հովհաննիսյանը, Քրեական ոստիկանության գլխավոր վարչության պետ Վարդան Վարդանյանը, ոստիկանության ԵՔՎ պետ Սևան Քոչարյանն ու ոստիկանության տարբեր ստորաբաժանումների ղեկավարներ ու ծառայողներ։ Վահե Ղազարյանը մոտ երկու ժամ բանակցել է զինված տղամարդու հետ, ինչի արդյունքում նա վայր է դրել զենքն ու բաց թողել երեխային։ ՀՀ քրեական օրենսգրքի երեք հոդվածի հատկանիշներով նախատեսված հանցանքներ կատարելու մեղադրանքով հետախուզվողը բերման է ենթարկվել ոստիկանություն։ Տուժածներ չկան։ Կատարվում է նախաքննություն»,-ասված է տարածած հաղորդագրությունում։

Лента

Рекомендуем посмотреть