Որոշ գործատուներ աշխատողներին պարտադրում են մասնակցել հանրահավաքներին․ ոստիկանությունը հիշեցնում է տուգանքի մասին - RadioVan.fm

Онлайн

Որոշ գործատուներ աշխատողներին պարտադրում են մասնակցել հանրահավաքներին․ ոստիկանությունը հիշեցնում է տուգանքի մասին

2021-02-16 13:25 , Право, 854

Որոշ գործատուներ աշխատողներին պարտադրում են մասնակցել հանրահավաքներին․ ոստիկանությունը հիշեցնում է տուգանքի մասին

ՀՀ ոստիկանությունը հայտարարություն է տարածել, որում նշում է, որ տեղեկություններ կան, թե որոշ գործատուներ, իրենց լծակներն օգտագործելով, աշխատողներին պարտադրում են մասնակցել հանրահավաքներին։

«Հայտնում ենք, որ նման պարտադրանքը մարդու և քաղաքացու սահմանադրական իրավունքների ու ազատությունների դեմ ուղղված հանցագործություն է՝ նախատեսված ՀՀ քրեական օրենսգրքի 143-րդ հոդվածի (Մարդու և քաղաքացու իրավահավասարությունը խախտելը) հատկանիշներով և պատժվում է տուգանքով՝ նվազագույն աշխատավարձի երեքհարյուրապատիկից հինգհարյուրապատիկի չափով կամ ազատազրկմամբ՝ առավելագույնը երեք տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով:

Կոչ ենք անում ձեռնպահ մնալ այդպիսի ձեռնարկներից, իսկ քաղաքացիները, որոնք բախվել են նման երևույթի, կարող են դիմել ոստիկանություն կամ զանգահարել 1-02 հեռախոսահամարով»,-ասված է ոստիկանության տարածած հաղորդագրությունում։

Лента

Рекомендуем посмотреть