Онлайн
«Բանակից ՏՏ ոլորտ» կրթական ծրագրի շրջանակում բանակից զորացրված շուրջ 40 երիտասարդ ծրագրավորման անվճար դասընթացների մասնակցության հնրավորություն կստանա: Դասընթացները կմեկնարկեն մարտ ամսին, ավարտին մասնակիցները քննություն կհանձեն: Լավագույն շրջանավարտներն աշխատանքի հնարավարություն կստանան Սիներջի կամ այլ ընկերություններում:
Ապրիլյան պատերազմից հետո Ինֆորմացիոն տեխնոլոգիաների ձեռնարկությունների միությունը հայտարարեց ՏՏ ոլորտի մոբիլիզացիոն ծրագրի մեկնարկի մասին, որի շրջանակում իրականացվում են մի շարք միջոցառումներ, այդ թվում՝ «Բանակից ՏՏ ոլորտ» կրթական ծրագիրը: Վերջինս նպատակ ունի լուծել զորացրված երիտասարդների աշխատանքի և կարիերայի առաջընթացի խնդիրը ու միաժամանակ բավարարել նաև ոլորտի մասնագիտական պահանջարկը: Միության գործադիր տնօրեն Կարեն Վարդանյանի խոսքով՝ իրենց թիմը բարձր է գնահատում հայրենքի պաշտպանության գործում երիտասարդների ներդրումը և ցանկանում է աջակցել նրանց մասնագիտանալու ու լավ աշխատանք ձեռք բերելու հարցում:
«Բանակից ՏՏ ոլորտ» ծրագիրն իրականացվում է Սիներջի ընկերության և Ինֆորմացիոն տեխնոլոգիաների ձեռնարկությունների միության համատեղ ջանքերով: Ծրագրին աջակցում է նաև Զբաղվածության պետական գործակալությունը՝ ֆինանսավորելով զորացրված և գործազուրկ երիտասարդների դասընթացները:
