ՀՀ ԱԻՆ փորձը հետաքրքրել է Գերմանիային - RadioVan.fm

Онлайн

ՀՀ ԱԻՆ փորձը հետաքրքրել է Գերմանիային

2017-11-20 14:56 , Общество, 1397

ՀՀ ԱԻՆ փորձը հետաքրքրել է Գերմանիային

Այս օրերին Հայաստանում է գտնվում Գերմանիայի Դաշնային Հանրապետության ԱԻ կառավարման պատասխանատու կառույցների ներկայացուցիչներից կազմված պատվիրակությունը, որի կազմում ընդգրկված են մասնագետներ ՆԳՆ բնակչության պաշտպանության և աղետների դեպքում աջակցության դաշնային գրասենյակից, Տեխնիկական համագործակցության գործակալությունից (THW), հրշեջ ջոկատների ասոցիացիայից և գերմանական Կարմիր խաչի կազմակերպությունից:

Այցի նպատակն է ուսումնասիրել Հայաստանում ԱԻ կառավարման համակարգի փորձը, կարողությունները և դիտարկել համագործակցության խորացման հնարավորությունները:

«Աղետների արձագանքման ոլորտում Գերմանիայի հետ համագործակցությունը սկիզբ է առել 1988թ. Սպիտակի երկրաշարժից հետո, երբ գերմանական Կարմիր խաչի աջակցությամբ ստեղծվեց «Սպիտակ» կամավորական փրկարարական ջոկատը: Մեծ է նաև Գերմանիայի դերը մեր երկրում ԱԻ կառավարման համակարգի զարգացման գործում, քանի որ առաջին պրոֆեսիոնալ փրկարարական մեքենաները մեզ տրամադրվել են Գերմանիայի կողմից՝ 1996 թվական, որոնք դարձան փրկարար ծառայության տեխնիկական վերազինման հիմքը,-այսօր գերմանական պատվիրակություն հետ հանդիպմանն ասել է ՀՀ ԱԻՆ փրկարար ծառայության տնօրենի տեղակալ, փ/ծ գեներալ-մայոր Վրեժ Գաբրիելյանը:

Պատվիրակության ղեկավար, THW-ի երկկողմանի համագործակցության պատասխանատու Թոմաս Հյունիքն իր խոսքում նշել է, որ իրենք հետաքրքրված են ԱԻ կառավարման միասնական համակարգի ուսումնասիրությամբ և պատրաստ սերտ ու արդյունավետ փոխգործակցության՝ խորացնելով արդեն առկա կապերը:

Այցի շրջանակում նախատեսվում են հանդիպումներ ՀՀ ԱԻՆ տարբեր ստորաբաժանումների հետ, ճանաչողական այցելություններ մարզային հրշեջ-փրկարարական ջոկատներ և Հատուկ նշանակության փրկարարական աշխատանքների իրականացման կենտրոն:

Лента

Рекомендуем посмотреть