Онлайн
«Էրդողանը թուրքական առաջին «սուլթանն» է, որի պիղծ ոտքը կկոխկրտի Շուշիի սրբազան հողը պատմության ողջ ընթացքում»,-այդ մասին գրում է իրանագետ, «Պատիվ ունեմ» դաշինքի ներկայացուցիչ Վարդան Ոսկանյանը՝ նկատելով, որ քարոզչական իմաստով սա մարտահրավեր է՝ ուղղված ոչ միայն մեզ, այլ նաև Ռուսաստանին և Իրանին։
«Շատ հստակ և հանդուգն մի ուղերձ առ այն, որ Արցախի սիրտն իբրև թե այլևս թուրքի ոտքի կոխան է, իսկ Հայաստանը, Ռուսաստանը և Իրանը պետք է հաշտվեն այս մղձավանջային մտքի հետ։
Այսու, Շուշիի հայկական վերանվաճումը և ապաթուրքականացումը ոչ միայն մեր կողմից, այլ նաև մեր դաշնակիցների և բարեկամների հետ ամենասերտ գործակցությամբ առնվազն հասարակական մակարդակում պետք է ձևակերպվի՝ որպես միասնականպատվի խնդիր, քանզի մեր տարածաշրջանում օսմանյան ծավալապաշտության դեմ պայքարում դարեր շարունակ հեղվել է հենց հայկական, ռուսական և իրանական արյուն»,-եզրափակել է գրառումն իրանագետը։
Նշենք՝ այսօր Թուրքիայի նախագահ Ռեջեփ Թայիփ Էրդողանը ժամանել է Շուշի, որտեղ նրան դիմավորել է Ադրբեջանի նախագահ Իլհամ Ալիևը։ Ադրբեջանական լրատվամիջոցների հաղորդմամբ՝ հանդիպումից հետո տեղի կունենա փաստաթղթի ստորագրման արարողություն։
Ինչպես բնորոշել է trend-ի խմբագիրը՝ «Շուշիում կարևոր փաստաթղթի ստորագրումը կազդարարի նոր պատմության սկիզբը, որն այսօր գրում են Ադրբեջանը և Թուրքիան»։
