16։00-ի դրությամբ ոստիկանությունում ստացվել է 57 հաղորդում, 37-ը հանցագործության հատկանիշներ չեն պարունակել - RadioVan.fm

Онлайн

16։00-ի դրությամբ ոստիկանությունում ստացվել է 57 հաղորդում, 37-ը հանցագործության հատկանիշներ չեն պարունակել

2021-06-20 16:56 , Право, 775

16։00-ի դրությամբ ոստիկանությունում ստացվել է 57 հաղորդում, 37-ը հանցագործության հատկանիշներ չեն  պարունակել

Քվեարկության օրը, ժամը 16։00-ի դրությամբ, ոստիկանությունում ստացվել է 57 հաղորդում, որոնցից ՀՀ քրեական դատավարության օրենսգրքի 180-րդ և 181-րդ հոդվածների հատկանիշներով ընթացք է տրվել 20 դեպքի, իսկ 37-ը չեն պարունակել առերևույթ հանցագործության հատկանիշներ և ստուգվում են որպես պատահար:

Այդ մասին հայտնում են ոստիկանությունից՝ մանրամասնելով, որ առերևույթ հանցագործության հատկանիշներ պարունակող դեպքերից 1-ը գրանցվել է Երևան քաղաքում, մնացած 19 դեպքերը՝ հանրապետության մարզերում: Ստացված հանցագործությունների վերաբերյալ հաղորդումները վերաբերվել են մեկից ավելի անգամ քվեարկելուն (14 դեպք), ընտրական իրավունքի իրացմանը խոչընդոտելուն (2 դեպք), քվեարկության գաղտնիությունը խախտելուն (1 դեպք), գույքը դիտավորությամբ վնասելուն (1 դեպք), մարմնական վնասվածք հասցնելուն (1 դեպք), այլ բնույթի խախտմանը (1 դեպք):

Лента

Рекомендуем посмотреть